Lian orluli-30-06-2022-Kareta tula kontetor 2 ho xapa matrikula 58.689 atu ba Suai hetan asidente iha aldeia Kesa-Mau area Faulata postu Administravu Ainaro, okupa tomak estrada públiku halo rezulta impedimentu movimentasaun durante oras 6.
“Tronton ho roda sanulo tula container rua diresaun Dili ba Suai too iha area Kesa-Mau aldeia Faulata akontese insidente, hasoru malu ho kamioneta vaskolante ida nebe’e ho diresaun husi Suai, too iha area kruzamentu no dalan sae tronton hakiduk ba hodi ses tiha ba dut laran taka dalan estrada públiku hodi halo movimentu, mate nudurante oras 5 Otl,’’hato’o, xefe Polísia Tranzito Munisipio Ainaro, Marito da Costa Coelho ba jornalista lian orluli iha nia kanr fatin, kinta (30/06/2022).
Alende ne’e nia mos hatutan kauza husi engarrafamentu ne’e la rezulta ema kanek no mate, maibe hamate dalan publiku susar ba transporte atu movimentu ba mai.
“Haree ba kondisoens estrada protukolu nian ne’ebe liga husi munisipiu Ainaro ba Suai Kovalima liu-liu iha fatin ne’ebe akontese la merese kareta tronton roda sanulu ne’ebe ho nia todan 4 fix sira la merese atu liu husi dalan refere”. Hatutan Marito
Rekomendasaun husi komandante Xefe Polícia Tránzitu Ainaro katak, bainhira kareta ho tronton hirak ne’ebe roda 10 no tula sasan todan hanesan kontainer labele liu husi fatin ne’e razaun tanba fatin sira ne’e risku tebes.” Nia rekomenda
Iha fatin akontesementu jornalista lian orluli nota kareta tronton marka Hino ho xapa matrikula 58.689, tula mos kontetor rua atu ba Suai, no iha dalan akontese engarrafamentu taka dalan durante oras 6, no iha fatin akontesementu la rezulta ema mate no kanek
Editor : Lian Orluli
