Lian orluli-1-07-2022–Relasiona ho udan semana ida nia-laran iha munisípiu Ainaro postu administrativu Hatu-builoko suku Nuno-Moge rezulta komunidade ida monu ba rai-naruk kuaze metru 70 mate fatin.
Segundu komandante PNTL munisípiu Ainaro, Mario Vitor informa akontesimentu mosu iha loron 26 no komunidade monu husi fatuk lolon ba rai naruk isin baku iha fatuk mate kedan iha fatin, vítima nia idade 59 ho naran kompletu Samuel de Araújo husi aldeia Nuno-moge Postu Hatu-Builiko.
“Aproveita okaziaun ida ne’e informa ba iha público katak durante tempo udan iha Munisipiu Ainaro hahu husi dia 26 to mai ohin loron, komunidade balun hetan asidente balun hanesan horseik ne’ebe akontese iha aldeia Hatu-builico Suku Nunu-moge Posto Hatu-builico Vila sidadaun ida ho inisial Samuel de Araújo ho idade 59, tuir informasoens ne’ebé komandu hetan katak , vitima ne’e monu husi fatuk foho naruk tun mai porvolta 70 M,nia hetan pankada iha ulun nia la konsege salva vida no mate iha fatin kedas,’’ Mario informa.
Alne de ne’e nia mos hatutan informasaun kona-ba kronolojia ne’e polisia rekoila husi vítima nia oan-mane, nune’e orienta kedan polísia too kedan fatin akontesimentu hodi hala’o prosesu identifikasaun motivu husi dezastre refere.
“Informasaun ne’e husi nia oan mane sira informa mai policia katak sira indentifika nia aman mate iha fatin, depois polisia simu informasoes komandu kontaktu ba eskuarda Hatu-Builico ho nia ekipa tun kedas iha fatin akontesementu realidade hetan duni sidadaun Samuel de Araújo monu rasik no hetan pankada makas iha ulun fatuk, kauza nia mate ho situasoes ne’e katak hanesan asidente ida ne’ebe resulta sira nia aman lakon vida,’’. nia hatutan.
Vitima Samuel de Araújo nebe horseik monu mate situasaun ne mos akontese ba nia oan nebe ke iha fulan liu ba mos monu mate iha neba la hatene.
Tuir informasaun husi segundu komandante ne’e katak antes ne’e matebian Samuel nia oan mane boot mos mate kauza hanesan nia aman, monu hotu ba rai-naruk iha kedan area ne’ebé matebian Samuel monu ne’e, matebian Samuel nia oan mane boot mate husik hela nia kaben ho oan nain 7, hafoin iha loron 26 nia aman Samuel monu tan ba rai naruk rezulta mate-fatin tanba kauza husi udan boot, no informasaun kona-ba matebian nia oan mane ne’e hatoo duni husi matebian Samuel bainhira nia sei moris.
‘’Ami ba iha fatin ko’alia duni ho matebian Samuel de Araújo ne’ebe maka oras ne’e dadaun mate nia hateten katak nia oan ne’e monu duni ba rai naruk,’’ haktuir komandante ne’e
Liu husi iha biban ne’e segundu komandante munisipiu Ainaro husu komunidade hot-hotu iha Munisipiu Ainaro liu-liu iha tempo udan lao iha foho leten rai naruk iha mota ibun tenke koidadu diak hodi evita dezatre, di’ak liu iha tempu udan ho anin maka’as ema hotu tuur hakmatek iha uma atu asegura vida.
Editor: Lian orluli
