Lian orluli-1-07-2022- Xefe juventude suku Aitutu postu administrativu Maubisse, munisípiu Ainaro Santiago Marques Cortereal informa, hetan mate isin ida iha karau luhan iha suku Aituto hafoin atu ba troka karau.
Xefe juventude suku Aituto informa via telefone ba Lian Orluli news katak, matebian ne’ebé mate hela identidade suku Aituto ho naran kompletu Francisco de Araújo, matebian idade 75 sofre moras bibi-maten.
“Antes ne’e matebian iha moras bibi maten, informa moras ne’e husi nia ona mane rasik no antes matebian mate nia sei ba partisipa lia kultural balu iha familia nian, fila husi lia refere matebian fila uluk husik nia kaben, too iha dadersan matebian nia ferikoan fila husi lia refere too iha uma matebian nia oan mane husu matebian ba iha nia inan, maibe resposta husi nia inan katak matebian fila kedas iha lorokraik, ho ida ne’e matebian nia oan mane halai kedas ba iha fatin karau luhan hetan nia aman ho kondisaun mate tur hela iha lutu hun,’’ haktuir xefe juventude no KPK suku Aituto ne’e.
Iha parte seluk, Lian Orluli News simu mos informasaun husi Segundo komandante PNTL Munisipio Ainaro haklaken informsaun ne’ebe fo husi matebian nia oan mane Benedito katak Matebian antes ne sofre hela moras Bibi maten, tanba ne’e iha loron 30 fulan Junu ne’e tuku 06:00 lokraik OTL, matebian la fila ba uma nune’e matebian nia oan Benedito ba buka tuir iha Karau Luhan hetan duni nia aman mate ho kondisaun tuur iha karau luhan.
Tuir informasaun hosi Matebian nia oan mane Benedito katak nia aman Matebian antes ne sofre Hela moras bibi-maten, tanba ne’e iha loron 30 fulan Junu 2022, mais ou menus 06:00 otl, Matebian la fila ba uma ho ida ne’e matebian nia oan Benedito ba buka tuir iha Karau Luhan hodi hetan nia aman ho kondisaun mate tur hela iha karau luhan, depois Nia oan mane Benedito Kontaktu telefone ba iha KPK no-mos Polisia Investigasaun Kriminal Ainaro, to kedas iha fatin akontesimentu hodi halo ezaminasaun ba mate isin, maibé matebian nia oan mane decide la autoriza lori nia aman ba halo autopsia.
Editor: Lian Orluli
