Lian Orluli-11-07-2022-Protesaun Sivil Munisipiu Ainaro husi fulan Janeiru to Jullu rejistu uma kain 23 afeita ba desastre Naturais.
Pontu Vokal Diresaun Risku Desjastre Protesaun Sivil Munisipio Ainaro, Leonel Valente informa ba da-daun ne’e protesaun sivil munisipiu Ainaro rejista ona uma kain 23 afeitadu husi desastre naturais, dadus sira ne’ebe relata rejistu hahu husi fulan janeiru to junllu 2022, nune’e durante iha mudansa klimátika Ainaro udan durante semana rua la para, protesaun sivil rejista uma kain 4 maka afeita desastre naturais iha postu Ainaro villa Suku Cassa no Suku Ainaro.
“ Mudansa klimátika iha munisípiu Ainaro udan durante semana rua resin, familia uma kain 4 afeita dezastre husi rai halai halo uma monu, akontese ne’e iha Suku Cassa no Suku Ainaro no total uma ne’ebe hetan estragus iha Suku Cassa hamutuk uma kain tolu no suku Ainaro uma kain ida,’’ informa Leonel Valente Kordenador Pontu Vokál diresaun Risku Dezastre Protesaun Sivil Munisipio Ainaro, ba jornalista sira iha kna’ar fatin.
Leonel dehan, uma Kain 4 ne’ebe afeita ba dezastre, da-daun ne’e parte pontu vokál diresaun Risku Dejastre Protesaun Sivil Munisipio Ainaro apoiu ona ekipamentus hirak ne’ebé emerjénsia.
“ Familia uma kain 4 ne’ebe hetan dejastre iha Suku Casa no Suku Ainaro oras ne’e dadauk Pontu vokal diresaun risku dezastre munisípiu Ainaro hala’o ona atendimentu apoiu emerjénsia ba vítima uma kain 4 hanesan material uma laran no aihan inklui material seluk tan”. Hatutan Leonel Valente
Entertatu dadus ne’ebe relata rejistu hahú Janeiru too Jullu 2022 nian hamutuk 23, maka afeita ba dezastre naturais, durante iha mudansa klimátika udan dezde semana rua resin, husi parte Protesaun sivil risku ba desastre naturais rejistu de’it uma kain 4 husi postu Ainaro-vila nian tanba hetan dadus husi parte autoridade Komunitaria, relasiona husi postu seluk seidauk fo informasaun ba protesaun risku desastre naturais.
Editor : Lian Orluli
