Lian Orluli— Resensiamentu eleitorál ho sistema biométriku atu prevene fraude eleitorál husi sidadaun sira ne’ebé dupla karatun no falsifikasaun dukumentus
Reprejenta Direktur jerál STAE Agostinho da Cunha hafoin de lansa resensiamentu eleitorál ho sisitema biométriku iha edefisiu STAE munisípiu Ainaro husi sekretáriu estadu dezemvolvementu lokal hamutuk ho autoridade munisípiu Ainaro hateten, lansamentu ida ne’e hodi aktualizasaun baze de dadus liu husi sistema foun ne’ebé governu introdus ona no sistema ida ne’e hodi evita sidadaun sira ne’ebé dupla kartaun eletorál núne’e bele hatene tasa partisipasaun eleitores iha elisaun tamba númeru partisipasaun eletores menus kompara ho dadus eleitores ne’ebé rejistradu iha STAE
“Baze de dadus liu husi sistema foun ne’ebé governu introdus ona no sistema ida ne’e hodi evita sidadaun sira ne’ebé dupla kartaun eletorál núne’e bele hatene tasa partisipasaun eleitores iha elisaun tamba númeru partisipasaun eletores menus kompara ho dadus eleitores ne’ebé rejistradu iha STAE”, dehan Agustinho da Cunha
Nune’e Agostinho da Cunha kuntinua husu ba autoridade lokal munisípiu Ainaro atu kuntinua partilla ona informasaun ne’e ba komunidade sira iha nivel baje atu mai troka ona kartaun eleitorál ne’ebé antes ne’e iha.
“Ba sidadaun sira hotu liu-liu iha munisipiu Ainaro atu hakat mai iha edifisiu STAE hodi troka eleiroral ho rejistu sistema biométriku nune’e labele dupla kartaun inklui falsika dokumentu” reperejentante Diretur jerál STAE hatutan
Eleitór Filomeno da Silva hateten, sistema foun ne’ebé governu introdus liu husi sistema biométrika atu evita sidadaun sira ne’ebé dupla kartaun no resolve failansu sira ne’ebé akontese iha elisaun sira liu ona
“Númeru eleitores ne’ebé rejistu as maibe partisipasaun iha elisaun menus, liu husi sitema ida ne’e atu evita sidadaun sira ne’ebé dupla kartaun no resolve failansu sira ne’ebé akontese iha elisaun sira liu ona”, Filomeno dehan
Enkunatu dukumentus ne’ebé presija ba aktualizasaun baje de dadus liu husi sistema biométrika maka hanesan kartaun eleitorál, sertidaun RDRL, Bilete Indetidade, Pasaporte, aprejenta orijinal ho kopia.
No tuir dadus total eleitores ne’ebé rejista iha stae munisípiu Ainaro hamutuk rihun hát nolu resin sia, atus hitu, tolu nolu resin rua. kompostu husi mane rihun rua nolu resin lima, atus hitu nen nolu resin hitu, no feto rihun rua nolu resin tolu, atus sia nen nolu resin lima.
Jornalista : Lian Orluli
Editor : Lian Orluli
