Lian Orluli 18/04/2026 Dili– Governu Timor-Leste sei Foti fila rai ne’ebe kompainia Pelican Paradise utiliza ba konstrusaun Otel fitun 5 ne’ebe paradu to’o agora
Primeiru Ministru Kay Rala Xanana Gusmão hateten be’e no eletrisidade dada kleur ona tuir akordu ba konstroi otel fitun 5 maibe durante tempu naruk kontinua abandona, tanba ne’e Vise Primeiru Ministru Kalbuadi Lay kontaktu ona nain ba kompainia Pelica Paradise atu hamamuk rai ne’ebe utiliza
Tanba ne’e PM Xanana Informa ona ba Prezidende Republika kona rezolusaun ne’ebe hasai, Vise Primeiru Ministru Kalbuadi Lay kontaktu ho Pelican Paradise atu konkorda malu fo 10 dias sira sai, hodi ema seluk ne’ebe hakarak halo Investimentu ne’ebe bele ajuda preparasaun atividade ba ASEAN 2029
Timor-Leste sei responsabiliza eventu bo’ot ASEAN nian ne’ebe sei akontese iha 2029, simu nasaun 10 inklui konvida xefe estadu no governu husi fatin seluk maibe dau-daun ne’e Kapitál Díli la iha espasu tanba okupa husi povu, nune’e, hare’e ba espasu governu liu husi hasai rezolusaun fo últimatu loron 10 atu kompañia Pelican Paradise hamamuk fatin Rai Tasi-Tolu Díli, hodi investor sira seluk bele investe
Tuir informasaun jornalista asesu katak inisitiva ne’ebe kompainia Internasional Pelican Paradise ba konstrusaun otel fitun 5 ne’e paradu no prosesu ne’e kleur tanba governu mak la komprimente ba iha kontratu hodi dada eletrisidade no bee mos
PM Xanana dehan eletrisidade, bee dada kleur tia ona tuir obrgadau governu nian maibe husu tan $100 miloens hanesan garatia
“Haiii! o riku ne’e o husu fali $100 miloens nudar garantia, ne’ebe agora kolia fo loron 10 , ne’e laos tinan ida tinan rua, kleur ona nebe ita dehan katak se o bele, o halo,” dehan PM Xanana iha Palasiu Prezidensial
Xanana mos esklarese liu tan, oferse buat hotu, husu bee ami tau bee, busu eletrisidade ami fo, nia hakarak tan saida, agora nia husu fali $100 miloens dollars atu tau iha banku nu’udar garantia
“Haeh, se o iha osan mak o mai, la’os ami fo fali garantia, ne’ebe buat ne’e sei lao fo loron sanulu”, Tenik Xanana
Governu Timor-Leste tenki liberta rai no la iha substituisaun tanba laos governu mak iveste maibe Pelican Paradise mak hakarak investe, ohin loron abandona , governu deside Pelican Paradise hamamuk fatin atu investor sira seluk bele investe
Jornalista: Alves Carvalho
Editora: Clemetina Fátima
