Lian Orluli 09/04/2026, Dili- Primeiru Ministru Kayrala Xanana Gusmão Aprezenta dezeñu arkitektu Sentru Konvensaun Dili (Siglá Portugés CCD) foun ne’ebe foin lalais konsellu ministru aprova ba Prezidente Repúblika Demokrátika Timor-Leste Jose Manuel Ramos Horta Kuarta ne’e
Iha aprezentasaun ne’e Xanana hateten aprezenta dezeñu modelu 8 ba Horta ne’ebe Konsellu Ministru aprova liu husi eleisaun pur unamidade ba modelu ida hodi halo preparasaun prosesu servisu
“Ha’u informa ba Prezidente katak horseik Konsellu Ministrus, vise Primeiru Ministru sr. Kalbuadi Lay aprezenta dezeñu 5 ka 8 hanesan ne’e, hodi Konsellu Ministru atu hili lolos ida ne’ebe iha partikular oin-oin hodi lembra avó Lafaek ho manu, hodi lembra Kaza Tradisional, oi-oin maibé Konsellu Ministru, hotu-hotu pur unamidade hili mak ida ondes iha leten ne’e sai hanesan fali halo tuir ondas, tanba ita bo’ot sira hatene ita ne’e illa, iha tasi haleu tia ita, ne’ebe aprova tia ona”, dehan pm xanana iha palasiu pr kuarta 09/04/2026
Xanana esplika, dezisaun ne’e antes ona bainhira ho Primeiru Ministru Malasia Dato Seri Anwar Ibrahim asina kona ba Sentru Konvensaun Dili foun ne’e, nune’e kontrusaun sei apoiu husi Malasia
“Imi mak lembra katak hau ho Primeiru Ministru Malasia Dato Seri Anwar Ibrahim kuandu nia mai ami rua asina katak sentru konvensoens ne’e sei iha fatin ne’eba, ami mos deside iha ne’eba ne’e antes tia ona, deside ida ne’eba hodi vise Primeiru Ministru kontaktu ba mai hodi ema bele halo ona estudu ida oinsa ita aproventa rai oan ida ne’eba, no komesa halo ona dezeñu buat sira ne’e hotu maibe ita bo’ot sira karik sei lembra, fulan hirak liu ba Primeiru Ministru Malasia Dato Seri Anwar Ibrahim haruka kompania estatal ida hakarak los atu fo apoiu ba ita preparasaun ba simeira ASEAN iha 2029 ne’ebe ami informa tia ona ba sira katak ami hanoin kona ba ida ne’e kleur tia ona”, dehan PM Xanana
Xanana agradese tebe-tebes ba koperasaun no vontade ne’ebe ajuda atu prepara a’an ba SIMEIRA 2029, nia esklarese Konsellu Ministru aprova proposta modelu arkitektura ba Sentru Konvensaun Dili foun ne’ebe aprezenta husi vize primeiru ministru kalbuadi lay hodi halo analize ba nia prosesu sira nune’e bele halo lansamentu tanba tempu limitadu
“Horseik aprova tia nia arkitektura ne’e agora vise Primeiru Ministru ho finansas horsei kolia diskuti ho kompaiñia atu hare’e to’ok kustu no selu ne’e oinsa buat sira ne’e hotu sira iha fulan ida ne’e nia laran sira sei prepara buat sira ne’e hotu tanba 20 de Maio agora 24 anus ukun a’an, sei halo lansamentu iha ne’eba dehan katak hahu ida ne’e sira atu servisu ona no ami la promete Kompainia promote antes de 20 de maio 2028 ne’e hotu ona,” nia hakotu ba jornalista sira iha Palasiu Prezidente
Sentru Konvensaun Dili foun ne’ebe dau-dauin ne’e prosesu, hodi halo preparasaun ba Simeira ASEAN Timor-Leste iha 2029, Enkuantu Sentru Konvensaun Dili foun ne’e sei konstroi iha portu Dili nia sorin
Jornalista : Alves Carvalho
Editor : Clementina Fátima
