Lian-Orluli-06/04/2026 – KRAM Permite PSHT Uza Farda iha Funebral Ainaro Komisaun Reguladora Arte Marsiais Timor-Leste (KRAM) fó lisensa ba membru Fiel Coração da Irmaun Terate (PSHT) hodi hatais farda iha serimonia funebral ba matebian Ramon Nicson da Silva iha Semitériu Ainaro,
Prezidente KRAM Octavio da Conceicao, iha ninia deklarasaun hato’o sentidu kondolénsia profunda ba família enlutada Matebian “Ramon”.
Nia subliña katak matebian ne’e parte ida husi Maromak nia planu ne’ebé labele evita. “Ami hato’o kondolénsia profunda ba família sira ne’ebé lakon sira nia oan, subriñu no bei-oan sira. Ne’e maka Maromak nia hakarak” .
Nia mós subliña importánsia atu hala’o serimónia funerál nu’udar forma respeitu finál ba matebian. Tuir nia, “Prezensa husi maluk estudante sira, liu-liu sira ne’ebé gradua hamutuk iha 2023 ne’e parte ida husi solidariedade no respeitu. Serimónia funeral hala’o iha área ida ne’ebé mós uma ba estrutura organizasionál PSHT nian. Iha biban ne’ebá, organizasaun ne’e hato’o pedidu ba governu liu hosi KRAM atu membru sira bele uza farda ofisiál”.
Prezidente KRAM Octavio, subliña katak lisensa ne’e la’ós buat foun. “KRAM antes ne’e fó ona lisensa hanesan ba funeral ba membru arte marsiál sira dala barak. da-ne’e la’ós ba dala uluk. KRAM fó beibeik lisensa ba membru arte marsiál sira atu uza farda”.
Nia hatutan desizaun ne’e haree nu’udar sinál respeitu ba valór sira husi maun-alin iha organizasaun nia laran enkuantu mantein mós orden iha implementasaun atividade sosiál sira iha Timor-Leste.
“Situasaun ne’e hanesan iha tempu, Serimónia omenajen finál ba saudozu Vise-Prezidente KORK iha tinan kotuk, Deputado Antonio Verdial ne’ebé hakotu iis tanba krampe, hala’o ho solenedade no respeitu boot. Durante serimónia, autoridade sira fó lisensa ba membru oioin hosi organizasaun hodi marka prezensa no uza farda hanesan omenajen ikus ba matebian”.
Oportunidade ne’e fó eskluzivamente durante prosisaun funerária nu’udar símbolu solidariedade no apresiasaun ba matebian nia servisu. Iha fatin oioin ne’ebé maka vizita durante prosisaun, haree membru sira organizasaun nian espresa tristeza ne’ebé maka’as.
“Sira nia prezensa la’ós de’it hanesan kolega sira, maibé mós hanesan parte ida hosi família boot ne’ebé fahe ba malu iha tempu susar”.
Família barak rekoñese sira-nia oan sira-nia envolvimentu iha organizasaun no komprende hanesan lasu metin ida neʼebé eziste iha organizasaun neʼe nia laran.
Organizasaun sira ne’ebé iha relasaun mós konsidera hanesan iha responsabilidade morál atu kontinua kolabora hodi hametin nasaun nia identidade,hodi apoia estabilidade sosiál. Entretantu, Komandu PNTL, nu’udar instituisaun Estadu, hala’o papél importante hodi garante seguransa, orden, no trankuilidade durante serimonia funeral. Seguransa iha fatin atu asegura prosisaun la’o ho di’ak no mantein estabilidade iha komunidade nia laran.
Autoridade sira subliña katak prezensa ofisiál sira nian la’ós atu ezerse kontrolu ne’ebé maka’as, maibé hanesan parte ida hosi ita-nia responsabilidade fahe nu’udar sidadaun sira atu mantein luta nian ne’ebé konduzivu.
Hafoin serimónia konklui, partisipante sira fila fali ba ida-idak nia atividade no la uza ona farda, tuir regulamentu aplikavel. Serimónia ne’e sai nu’udar símbolu respeitu finál no fó hanoin kona-ba importánsia unidade nu’udar parte ida husi família Timor-Leste.
Jornalista : Carla
Editor : Clementina Fatima
