Lian Orluli 11/04/26- Prezidente CMCLN Konvoka Runeaun Ho Asosiasaun Sira Hodi Hare Ba Fundus Veteranus Ne’ebe Mak Depuzita Ona beibeik $720 iha períodu tinan rua nia laran
Prezidente CMCLN Agusto Tara Araùjo hatete, Esforsu hodi buka tuir fundu veteranu nian ne’ebé depozita iha tinan sanulu liubá. Fundus hirak ne’e sai preokupasaun sériu tanba to’o agora seidauk iha klareza kona-ba nia jestaun no utilizasaun.
“Tuir informasaun ne’ebé halibur, membru veteranu ida-idak depozita beibeik $720 iha períodu tinan rua nia laran. Maibé, durante períodu ida-ne’e, fluxu loloos hosi fundu sira-ne’e lahatene hosi membru hotu-hotu. Falta transparénsia ida-ne’e halo ema barak kestiona iha ne’ebé maka fahe fundu sira-ne’e no ba Situasaun ida ne’e sai aat liu tanba informasaun limitadu ne’ebé hetan husi membru sira iha baze” dehan Prezidente CMCLN Tara
Nune’e nia hatutan tan “La’ós membru hotu-hotu hatene sé mak responsavel atu simu no jere fundu sira-ne’e. Maibé, sira nian fundu iha atu uza osan ne’e, inklui ba sosa sasán sira no atividade sira seluk ne’ebé iha relasaun ho organizasaun. hein katak asosiasaun veteranu sira sei ativu liután hodi halo monitorizasaun no responde ba kondisaun sira ne’ebé sira-nia membru sira hasoru, liuliu iha baze” deha Prezidente CMCLN.
Tara dehan tan, Transparénsia no responsabilizasaun maka xave atu mantein konfiansa membru nian iha organizasaun. Atividade ida-ne’e hein atu fó klareza kona-ba jestaun fundu sira-ne’e no sai hanesan pasu dahuluk hodi hadi’a sistema administrasaun no komunikasaun iha asosiasaun veteranu nia laran. Hateten husi Prizedente CMCLN Agusto Tara Araùjo.
Jornalista:Elfiana/Noi Da Luz
Editor : Clementina Fatima
