Lian Orluli, 13 Abril — Gravasaun Camara Vizilansia (CCTV) revela, kareta ho marka Kijang Inova kontramaun “melawan arus” xoke mate joven Ramon Nicson tinan 20, iha estrada diresaun Ainaro, iha loron sesta-feira (3/4/2026).
Rezultadu camara vizilansia nee jere polemika públika tanba hatudu, kareta Inova ho xapa matríkula 26.000 TL kotramaun “melawan arus” deskomfia hodi xoke mate Ramon.
Komando PNTL Ainaro, segundu Komanndante PNTL Superintendente Asistente Polísia Leonela Do Rosario Martins, konfirma, Ramon nia mate kauza husi isidente tráfegu.
“ Familia vítima mai hato’o ona keixa. Polisia rekolla ona dadus hodi submete ba ministériu publiku, nudar titular ba krime. Oras ne’e POLTRANS asegura ona karreta iha Komando PNTL, neebé deskonfia soke Ramon” nia esplika.
Polisia rona ona deklarasaun husi kareta nain “suspeitu” maibé defende ninia an.
“kareta nain mai fo ona deklarasaun iha ne’e katak sira la sala,tanba ne’e Parte polisia asegura de’it kareta hodi aprejenta iha ministreiu publiku, ita hotu hein desijaun” Segundu komandante hatutan.
Maske kareta nain defende an, maibé familia vítima konsidera kareta nain la iha “sentimentu umanu” gravasaun kamara vizilansia hatudu : kareta avanza xoke ona Ramon, maibé motorista halai husi ninia responsabilidade.
tanba familia sira husu ba parte seguransa atu identifika lolos evidensia sira hodi prosesa tuir lei.
“Ami hakarak prosesu tuir dalan legal, tanba kareta nain laiha reponsabilidade hanesan umanu, hau nia oan monu ona maibe kareta nain halai husik hela iha fatin” Ramon nia aman, José Manuel da Silva koalia ho laran trirste.
Ramon neebe lakon vida, halo familia ninia tristeza ho hirus kahur malu sai ida deit : triste ba oan nia lakon no hirus suspeito neebe deklaran an la sala.
Laos deit Camara vizilansia mak sai sasin maibe iha mka sasin moris neebe hare rasik ho matan kona-ba prosesu asidente viasaun nee.
Sasin iha fatin asidente esplika, matebian Ramon halai motor ho neineik, derepente kareta korta, halo Ramon halai ses husi estrada ba trotoar leten no monu, baku nia ulun ba trotoar.
“Matebian halai motor la makas, no nia halai hela tuir nia dalan, iha momentu ne’ebá ami hare deit nia uza ho motor trail ida, rona nia monu ami ba hare Ramon nia kondisaun grave tebes” Haktuir sasain.
Pesoal saúde konfirma, matebian Ramon hetan pankada makas iha ulun, hodi transporta kedas ba iha Hospital Referral Maubisse maibe’e la konsege salva ninia vida.
“Hare ba kondisaun grave liu, ita transporta kedas pasinte ba iha Hospital referal Maubisse, maibé la konsege to, tanba pasiente iss kotu iha dalan klaran” Pesoal Saude esplika.
Atmosfera ne’e hafanu ema hotu nia opiniaun. Iha gravasaun CCTV : Matebian Ramon halai motor tuir ninia diresaun maibe kareta mak kontra diresaun hodi hamosu asidente.
Oras ne’e, Ramon hatán justisa lalehan nian no kareta nain sei hatan justisa mundu nian.
Respeita sinais, salva o nia an no ema seluk nia vida.
Ekipa redasaun
