Lian Orluli— Joventude kreativu hari’i Kafétaria Mini Turismo, lokaliza iha laletek Fleixa hodi atrai turista sira baihira hakat ba iha munisípiu Ainaro, bele foti imagem furak husi beleza Fleixa nian.
Kafétaria Mini Turismu Fleixa hahu lansa iha loron 16 Desembru 2023, husi fulan ne’e kedas rekolla osan husi vizitante sira foti foto no hemu kafé inklui ho seluk tan loron ida rekolla besik $150, durante iha fulan Desembru nia laran rekolla osan $5000 ona
Lia hirak ne’e hato’o husi Nicolau Benevidas Mendonça Hanesan Joven inisiadór ho hanoin kreativu hodi halibur nia maluk joven sira hodi hari’i Kafétaria Mini Turismo Fleixa.
“Ami joven hamutuk 19 tau ideia hamutuk halo Kafétaria Mini Turismo nee, hodi atrai Vizitante sira wainhira hemu kafé bele mos foti dokumentasaun ruma iha fatin ne’e, husi ne’e ami bele rekolla osan husi foto no hemu kafé, loron ida hetan besik $150. husi fulan desembru nia laran ami hetan osan dolar $5000 ona”.Hateten ba jornalista lian Orluli iha fatin kafétaria mini turismo iha loron (22-01-2024)
Nicolau hatutan tan husi osan ne’ebe mak sira hetan balu halo fali asaun karidade ba kbi’it laek sira iha suku Aitutu rasik
“Durante fulan Dezembru nia laran ami hetan rendimentu diak tebes husi vizitante sira ne’ebe halo movimentu, tamba ne’e ami rekolla osan $5000 resin, husi osan ne’e balun ami halo asaun karidade ba kbi’it laek sira iha tempu natál no balun ami uja ba nesesidade Kafétaria nian nune’e mos rehabilita fatin ne’e sai furak liu tan, atu nune’e vizitante sira bainhira mai vijita labele bosan ho fatin ida deit,” Nicolau hatutan
Joven kretivu ne’e hatutan tan ba futuru Kafétaria Mini Turismu sei loke luan tan no mos sei tau Kasa de banho inklui ho fatin deskansa nian ba vizitante sira.
Kafétaria Mini Turismu hetan apoiu husi SASCAS no lansa iha loron 16 fulan Dezembru tinan 2023,lokaliza iha suku Aitutu, postu administrativu Maubisse, Munsípiu Ainaro
Jornalista: Jeny
Editor : Lian Orluli
