Lian Orluli -21,Maiu — Komunidade ladun partisipa iha serimónia Isar Bandeira, Lideransa Komunitáriu Kestiona: Koordenasaun Ladi’ak husi Komisaun Organizadora (KO) ba eventu serimónia loron resaturasaun independensia ba dala 24 iha Munisípiu Ainaro.
Parada bandeira hodi fó onra ba eroi nasionál sira iha eventu serimónia isar de bandeira, iha komemorasaun loron restauraurasaun, ne’ebé ladun partisipa masimu husi komunidade suku sira, hamosu krítika hosi públiku iha atrazu no konfuzaun husi koordenasaun entre komisaun organizadora no suku sira iha eventu ofisial ne’e.
Tuir abitante balun hare, ekipa Isar bandeira tama uluk iha kampu,isar bandeira. Entretantu grupu husi suku Mau-ulu no Ainaro to’o tarde no la konsege tama iha area eventu prinsipal tanba ekipa parade enxe tiha ona kampu ho dada bandeira.
Xefe Suku Mau-ulo, Luis Colasu deskreve situasaun ne’e hanesan fallansu komunikasaun entre Komisaun Organizadora no suku sira ne’ebé envolve.
“Ami hanoin katak bandeira hasa’e tarde hanesan baibain, maibé bainhira ami too iha fatin serimónia ho bandeira suku nian, bandeira dada tia ona iha kampu. Bainhira ami to’o, komunidade sira la konsege partisipa serimónia to remata, no grupu hosi suku Ainaro la konsege tama,” dehan xefe suku Luis .
Lideransa komunitáriu ne’e fiar katak situasaun ne’e labele akontese iha eventu ida ne’ebé ho intensaun atu fó onra ba nasaun nia eroi sira. Sira subliña katak komunidade Ainaro husi suku hitu ne’e iha responsabilidade hamutuk atu fó onra ba sakrifísiu husi eroi sira ne’ebé oferese sira nia vida ba nasaun.
Aleinde kestaun tempu, rezidente sira mós destaka komisaun nia falta atensaun ba kondisaun jeográfika no distánsia entre aldeia sira iha suku hitu ne’e. Sira nota katak rezidente barak iha difikuldade atu to’o tuir tempu tanba transporte no inpaktu klima fo limitadu ba to iha fatin eventu nian.
“Ami mos hakfodak too iha ne’eba Parada Isar Bendera sira tama uluk tia ba kampu ami tama tuir sira deit. Suku Ainaro tama tarde liu, ema Isar Bendera komesa tia ona, sira la konsege tama ba kampo. Nee failha iha linha komunikasaun entre komisaun organizadora ho ami suku sira”. Dean Xefe Suku Mau-ulo
Lideransa komunitáriu ne’e rekomenda katak komisaun tenke fornese transporte ba aldeia sira ne’ebé dook iha futuru. Etapa ida-ne’e konsidera krusiál atu asegura katak komunidade hotu-hotu bele partisipa ho justu no tuir oráriu ne’ebé estabelese ona.
“Hakarak Rekomenda deit ba Autoridade sira ne’ebe mak iha komisaun organizadora ba kualker enventu ruma karik atu labele iha failhansu ruma importante mak linha komunikasaun, koordenasaun ho entidades sira hotu liu-liu ba nai xefe suku sira atu nune’e bele mobiliza komunidade sira hotu hodi partisipa iha eventu importante sira”. Rekomenda husi Lideransa komunitariu suku Mau-ulo
Lideransa komunitáriu ne’e hatutantan “Tanba Ainaro ita hotu nian atu valoriza ita nia maluk funu nain sira nebe’e mak fakar ran, tan deit rai doben ida ne’e presiza ita hotu nia prezensa hodi fo kontinensia ba ita nia herois da Patria. Parte seluk mos Komisaun Organizadora sira presija hare mos ba distansia, atu nune’e komunidade sira bele marka prezensa tuir orario ne’ebé mak termina, tanba ne’e mak Komisaun Organizadora sira presiza prepara transporte ba kada suku hodi fasilita komunidade sira hodi partisipa iha eventu sira ne’ebé mak presiza komunidade sira nia prezensa. Karik hanoin sira nemak hau bele fo liu husi mídia, hodi bele hadia iha futuru”.Nia Hatutan
Entertantu, antes ne’e Prezidente komisaun oragnijadora konfirma ona liu husi entervista ho jornalista Lian Orluli, katak atividade iha mudansa orariu tanba, selebrasaun missa agrdesementu hala’o uluk iha loron 19 oras loro kraik 03:00 otl, enkuatu serimónia isar bandeira hahú iha oras dader 8:00 otl.
“Serimónia isar bandeira hahú iha oras 8:00 otl, atu nune’e apar kedas ho oras husi Nasional nian”, Dehan Prezidente komisaun oraganijadora iha abertura ba feira kulinariu promove ai-han lokal, loron (17 maio).
Observadór husi Konseillo Juventude sira iha Ainaro fiar katak asuntu sira hanesan ne’e bele fó impaktu ba partisipasaun públiku bainhira la rezolve kedas. Sira husu ona atu Komisaun Organizadora hala’o avaliasaun komprensivu ida ba sistema komunikasaun, bainhira iha mudansa oráriu eventu nian, no koordenasaun ho ekipa protukolu Autoridade nian iha kampu molok eventu.
To’o nutici ne’e públika, seidauk iha deklarasaun ofisiál hosi Komisaun Organizadora kona-ba alegasaun komunikasaun ne’ebé menus. Maibé, komunidade hein katak situasaun sira ne’e sei la mosu tan iha eventu omenajen nasionál sira iha futuru.
Joralista : Carla/Elfiana
Editor : Clementina Fátima
