Lian Orluli, 31/03/2026, Dili- Estadus Unidus Amerika(EUA) Sei Apoiu Timor Leste (Tl) Moderniza Setor Instituisional Hodi Promove Estabilidade, Reziliente, Prosperiedade Iha Rejiaun Indo-Pasifíku
Adjuntu Jerál Guarda Nasionál Rhode Island( sigla AJ-GNRI ), husi Estadus Unidus Amerika Majór Jenerál Andrew J. Chevalier segunda ne’e hasoru malu ho prezidente Republika Ramos Horta hodi kolia kona ba koperasaun Programa Parseria Estaduál ho Rhode Island ne’ebe lao kleur ona iha Timor-Leste.
Tanba ne’e ohin hasoru malu ho prezidente RDTL hodi reforsa Programa Parseria Estaduál ne’ebe durante lao hanesan koperasaun seguransa bilaterál, kapasidade asisténsia umanitária no fó tulun iha dezastre, inklui inisiativa edukasionál hodi promove estabilidade, reziliénsia, no prosperidade iha rejiaun Indo -Pasifiku.
Adjuntu Jerál Guarda Nasionál husi EUA Rhode Island Majór Jenerál Andrew J. Chevalier dehan koperasaun ka parseria ne’e besik tinan ne’en ona nune’e ohin hasoru malu ho prezidente hodi halo diskusaun no hetan rezultadu diak, tanba ne’e nafatin kontinua apoiu modernizasaun ba seitor oi-oin ne’ebe ejiste iha institusaun relevante sira Timor-Leste nian
“Rhode Island iha nafatin komprimisiu hodi apoiu F-FDTL iha modernizasaun area oi-oin laos deit defeza maibe mos iha ekonomia, edukasaun no sira seluk tan, interese ba pareseria ne’ebe diak entre Timor-Leste ho Rhode Island”, Adjuntu Jerál Guarda Nasionál Rhode Island ne’e esplika ba jornalista sira hafoin remata enkontru ho PR Horta segunda ne’e, 30/03/2026.
Jerál Guarda Nasionál Rhode Island ne’e kontinua esplika ohin diskusaun ho prezidente Horta, kolia mos ho lideransa relevantes sira oinsa hametin programa parseria estadual entre Rhode Island ho Timor-Leste hodi fasilita formasaun oi-oin no kontente vizita timor leste tanba nasaun furak los
“Ohin kolia ho prezidente ne’e mos koba hametin programa parseria estadual entre Rhode Island ho Timor-Leste no ita bo’ot sira-nia nasaun mos furak los, ami kontente mai vizita timor leste, depois sei halo enkontru ho lideransa timor nian hanesan PM Xanana, ministru defeza xefe estadu maior jendral falur no sira seluk tan, ho nia ojetivu atu fo formasaun ba timor leste hodi responde ba dezastre fo asistensia humanitaria no area sira seluk tan”, Adjuntu Jerál Guarda Nasionál Rhode Island, EUA Majór Jenerál Andrew J. Chevalier hakotu ba jornalista sira iha Palasiu PR, 30/03.
Alende enkontru, antes ne’e mos Majór Jenerál Chevalier hasoru malu ona ho Prezidente Ramos-Horta, Primeiru Ministru Xanana Gusmão, Ministru Defeza, Xefe Estadu Maiór Jenerál F-FDTL, no Sekretáriu Estadu Protesaun Sivíl hodi ko’alia kona-ba hametin kooperasaun seguransa bilaterál, hasa’e kapasidade resposta ba dezastre no asisténsia umanitária, habelar oportunidade dezenvolvimentu edukasionál no profisionál, koordenasaun no resposta entre ajénsia seguransa no emerjénsia Timor-Leste nian, avansa programa formasaun no interkámbiu hamutuk, no promove estabilidade no reziliénsia reiionál iha Indo-Pasífiku.
Rekorda fali katak Majór jenerál Chevalier mós hamutuk ho ofisiál governu TL iha serimónia lansamentu ba instalasaun Timor-Leste nia Rede Komunikasaun Rádiu Emerjénsia Nasionál dahuluk, ne’ebé sei hametin komunikasaun no koordenasaun entre Polísia Nasionál Timor-Leste Ajénsia Protesaun Sivil, F-FDlL, no servisu ambulànsia nian.
Aleinde ne’e Maiór lenerál Chevalier halo mós vizita ba Muzeu Rezisténsia no Universidade Nasionál Timor-Leste, koalia ho estudante, profisionál sira ne’ebé foin hahú kareira, inklui ofisiál militár sira hodi destaka importánsia husi edukasaun no dezenvolvimentu profisionál.
Enkuantu Vizita Majór Jenerál Chevalier nian ne’e mos hanesan pasu ida hodi reforsa parseria entre Estadus Unidus ho Timor-Leste ne’ebe lao durante ne’e.
Jornalista: Alver Carvalho
Eitor : Clementina Fatima
