Lian Orluli, Ainaro, 21 Maiu 2026 — Espozisaun demonstrasaun ai-han lokál ne’ebé hala’o hosi Governu Munisipiu Ainaro hodi komemora Loron Restaurasaun ba dala 24 hetan krítika hosi partisipante sira no grupu feto lokál sira. Eventu ne’e, ne’ebé maka tuir loloos atu promove produtu lokál sira, hetan partisipasaun uitoan de’it, ho meza espozisaun barak liu nakonu ho nasi kotak no krupuk sira ne’ebé maka fa’an iha feira.
Observasaun sira iha fatin hatudu katak atmosfera espozisaun nian dook hosi ideál. Barraka mamuk, laiha atividade komérsiu ne’ebé signifikativu. Produtu lokál sira ne’ebé lori hosi grupu komunidade sira la hetan atensaun hosi vizitante sira, enkuantu hahán produtu sira hetan rendimentu durante loron balu.
Fransisca, membru ida hosi grupu feto Mau-Ulu, fiar katak koordenasaun fraku entre governu no komisaun organizadora maka sai hanesan kauza prinsipál ba fallansu espozisaun nian. Nia hatete katak grupu komunidade sira serbisu maka’as ona atu lori sira nia produtu sira ba fatin, maibé laiha estratéjia ida ne’ebé maka efetivu atu atrai vizitante sira.
“Ami lori ami nia produtu sira ba feira, maibé la iha rendimentu tanba ema la mai sosa,” nia hatete.
Nia fiar katak governu no komisaun organizadora presiza avalia ho sériu sira nia sistema preparasaun eventu nian hodi prevene situasaun sira hanesan ne’e atu labele akontese tan. Nia nota katak partisipante barak maka la partisipa tanba espozisaun ne’e la preparadu ho di’ak.
Grupu feto ida husi Hatumera hato’o krítika ne’ebé hanesan. Sira sente katak informasaun kona-ba merkadu kulináriu fornese derepente liu, nune’e husik grupu partisipante sira ho tempu ne’ebé la sufisiente atu prepara sira nia produtu hodi promove sira nia produtu.
“Iha de’it ami na’in haat maka ativu durante kalan tolu no loron haat iha fatin ida-ne’e. Meza sira nakonu ho nasi kotak, no merkadu ladún okupadu tanba la hetan atensaun husi vizitante sira ka atrai husi ema,” dehan membru grupu ida.
Ironiku liu tan, iha diskursu ofisiál abertura nian, Prezidente Autoridade munisipiu nian haktuir katak espozisaun ne’e ho objetivu atu promove kreatividade no produtu lokál komunidade Ainaro nian. Maibé, kondisaun sira iha terrenu hatudu kontraste maka’as entre objetivu sira eventu nian no realidade hosi ninia implementasaun.
“Espozisaun ne’e hanesan demonstrasaun ai-han lokál hodi promove produtu lokál Ainaro nian”, tenik Prezidente Autoridade Munisipiu ne’e iha abertura eventu ne’e.
Nia mós enkoraja públiku atu apresia iha feira kulinaria ne’e no fó apoiu ba kreatividade grupu lokál sira liu hosi atividade sira ne’ebé ho inovativu no kreativu.
Entretantu, Prezidente Komisaun Organizadora Benedito M dos Santos ne’e esplika, série atividade komemorasaun Loron Restaurasaun sei hahú iha loron 17 fulan-maiu no kontinua to’o loron 19 fulan-maiu ho feira kulinária, tuir fali ho misa, atividade dansa kulturál, kompetisaun entre suku sira, no serimónia ofisial ho solene isar bandeira iha loron 20 de maio.
Prezidente Komisaun Organizadora ne’e fó sai katak totál orsamentu ba eventu ne’e maizumenus US$5,000, ne’ebé finansia hosi Autoridade Munisipiu, kontribuisaun hosi komunidade, veteranu sira, no kioske sira iha Ainaro.
Maibé, partisipante balun kestiona efikásia orsamentu nian, tanba sira sente katak rezultadu sira la to’o ba objetivu orijinál atu promove ekonomia lokál. komunidade sira hein katak governu sei foka liu fali serimónia de’it no asegura katak atividade sira fó impaktu duni ba negósiu ki’ik sira no grupu feto sira iha Ainaro la promove produtu ida.
Jornalista : Elfiana/ Carla/Lucia
Editor : Clementina Fatima
